Kolumbiyanı qana bulayan "Mi Pez" ələ keçirildi
Bizi izləyin
Aptekonline

Dünya

Kolumbiyanı qana bulayan "Mi Pez" ələ keçirildi

Kolumbiyanı qana bulayan "Mi Pez" ələ keçirildi

Aprelin 25-də Kolumbiyanın cənub-qərbində 21 nəfərin ölümünə səbəb olan bombalı hücumu həyata keçirənlərdən biri "Mi Pez" ləqəbli Xose Aleks Vitonko saxlanılıb.

Publika.az xəbər verir ki, bu barədə Kolumbiya prezidenti Qustavo Petro “X” paylaşımında bildirib.

Məlumata görə, Mi Pez polis və ordunun birgə əməliyyatı nəticəsində Valle del Cauca inzibati bölgəsində saxlanılıb.

Müdafiə naziri Pedro Sançez də açıqlamasında Mi Pezin mülki şəxslərə və təhlükəsizlik qüvvələrinə qarşı 40-dan çox zorakılıq aktında iştirak etdiyini bildirib.

"Mi Pez ölkənin cənub-qərbində kəndlilərin qırğınlarını planlaşdıran əsas cinayətkarlardan biridir. Həmçinin o, Şimali Kavkanın ən təhlükəli strukturlarından birinin əsas lideridir. Onun cinayətkar rəhbərliyi altında 600-dən çox üzv var idi", - Sançez vurğulayıb.

Qeyd edək ki, 25 apreldə Kolumbiyanın cənub-qərbində baş verən bombalı hücum nəticəsində 21 nəfər həlak olub, 40-dan çox insan yaralanıb.

Müəllif: Roza

Oxumağa davam et
Reklam
Reklam

Gündəm

Aptekonline