ABŞ və İran dörd mərhələli razılaşmaya yaxınlaşır

ABŞ və İran arasında gərginliyin azaldılmasını nəzərdə tutan dörd mərhələli razılaşma üzrə yaxınlaşma qeydə alınıb.

Publika.az xəbər verir ki, bu barədə “Əl-Hədəs” nəşri məlumat yayıb.

İddiaya əsasən, plan birinci mərhələdə hərbi gərginliyin dayandırılmasını, bölgədə hər hansı eskalasiyanın və ya yeni cəbhələrin açılmasının qarşısının alınmasını nəzərdə tutur.

İkinci mərhələ enerji marşrutlarının qorunması, dəniz təhlükəsizliyi məsələləri, o cümlədən Hörmüz boğazının təhlükəsizliyinə yönəlib.

Üçüncü mərhələdə tərəflər iqtisadi etimadın gücləndirilməsi tədbirlərini həyata keçirəcək. Bu tədbirlərə bəzi sanksiyaların yumşaldılması, dondurulmuş İran aktivlərinin qismən azad edilməsi və neft ixracı və neft ixracı imkanlarının genişləndirilməsi daxildir.

Dördüncü və ən mürəkkəb mərhələ əsas strateji məsələləri, o cümlədən İranın nüvə proqramı, uranın zənginləşdirilməsi səviyyələri, beynəlxalq monitorinq və təminat mexanizmləri, eləcə də uzunmüddətli regional təhlükəsizlik tənzimləmələrini əhatə edir. Bu mərhələnin isə aylarla davam edə biləcəyi qeyd olunub.

Müəllif: Roza