Bu, alimləri də təəccübləndirdi: “Səma zəlzələləri” bütün dünyada eşidilir

Uzun müddətdir eşidilən sirli “səma zəlzələləri” alimləri düşündürməyə davam edir. Belçikadan Yaponiyaya qədər geniş bir ərazidə hiss edilən bu qəribə səsləri silah səsləri və avtomobil partlayışları ilə qarışdırmaq olar. Bəs bu səslərin arxasındakı həqiqət nədir?

Publika.az xəbər verir ki, elm adamları 200 ildən artıqdır dünyada eşidilən sirli “səma zəlzələləri”ni deşifrə etməkdə çətinlik çəkir.

Alimlər bu əks-səda doğuran partlayışların mənşəyini müəyyən etmək üçün atmosferdə partlayan meteoritlər, hərbi təlimlər, uzaq fırtınalar və zəlzələlər kimi müxtəlif nəzəriyyələr irəli sürürlər.

Bu səslər ilk dəfə 1811-ci ildə ABŞ-ın Missuri ştatının Nyu-Madrid şəhərində 7,2 bal gücündə zəlzələ zamanı qeydə alınıb.

Oxşar səslər 1886-cı ilin avqustunda Cənubi Karolina ştatının Çarlston şəhərində baş verən 7,3 bal gücündə zəlzələdə də eşidilib və bu səslər zəlzələdən həftələr sonra da hiss olunmağa davam edib.

Nyu-York ştatının mərkəzindəki Seneka gölündə yaşayan yazıçı Ceyms Fenimor Kuper bu təcrübəsini “Göl silahı” adlı qısa hekayəsində yazıb. O, səsləri "heç bir məlum təbiət qanunu ilə izah edilə bilməyən ağır topun partlamasına bənzəyən bir səs" kimi şərh edib.

Tədqiqatçılar Eli Bird bunun atmosfer hadisəsi olduğuna inandıqlarını və bunun seysmik fəaliyyətdən qaynaqlandığını düşünmədiklərini bildirib. Belə ki, tədqiqatçılar səslərin yerdən deyil, atmosferdən yayıldığını fərz edirlər.

Bəzi bölgələrdə insanlar zəlzələlərin olmasını fövqəltəbii hadisələrlə əlaqələndirsələr də, digərləri bu vəziyyətin hərbi fəaliyyət nəticəsində baş verdiyini düşünürlər. Dünyanın müxtəlif yerlərində oxşar səsləri eşitmək araşdırmanı beynəlxalq ölçüyə aparır. Alimlər bu səsləri daha əhatəli şəkildə öyrənmək üçün beynəlxalq əməkdaşlıqlar qurmağa çalışırlar.

Roza Şəfiyeva