Bu ölkədə 14 min ayı məhv edilib - Cəmi il yarımda

Yaponiyada son bir il yarım ərzində insanlara təhlükə yaradan təxminən 14 min ayı öldürülüb.

Publika.az xəbər verir ki, bu barədə “The Guardian” məlumat yayıb.

2025-ci ilin aprelindən 2026-cı ilin sentyabrına qədər insanlarla vəhşi heyvanlar arasında toqquşmaların azaldılması proqramı çərçivəsində ölkədə təxminən 14 min ayı ovlanıb. Bu, 2008-ci ildən bəri aparılan müşahidələr dövründə qeydə alınan ən yüksək göstəricidir.

2026-cı ilin əvvəlindən ayıların hücumları nəticəsində 13 nəfər ölüb, azı 250 nəfər isə yaralanıb.

Hakimiyyət orqanları ayıların yaşayış məntəqələrinə daha çox yaxınlaşmasını iqlim dəyişikliyi və dağ meşələrində palıd qozası məhsulunun azalması ilə əlaqələndirir. Mütəxəssislərin fikrincə, qida çatışmazlığı yırtıcıları yemək axtarmaq üçün şəhər və kəndlərə enməyə məcbur edir.

Ekoloqlar və heyvan haqlarını müdafiə edənlər isə kütləvi ovlanmanın ayı populyasiyasına ciddi zərbə vura biləcəyindən narahatdırlar. Onların fikrincə, problemin həlli üçün məişət tullantılarının idarə olunması sistemi təkmilləşdirilməli, ayıların yaşayış məntəqələrinə cəlb olunmasının qarşısı alınmalıdır.

Hazırda Yaponiyada iki növ - Asiya qara ayısı və qonur ayı olmaqla 25-40 min ayının yaşadığı təxmin edilir.

Müəllif: Adəm