Ölkə birincilərinin fotoları

Xəbər verdiyimiz kimi, II və III ixtisas qrupları üzrə keçirilmiş qəbul imtahanının nəticəsi elan edilib.

Publika.az bildirir ki, hər iki mərhələnin cəminə görə 688.9 bal toplayan Bakı şəhəri Sabunçu rayonu 169 saylı tam orta məktəbinin məzunu Banuçiçək Rüstəmli II ixtisas qrupu üzrə ən yüksək nəticəni göstərən abituriyentdir.

O, imtahanın birinci mərhələsində 291.9, ikinci mərhələsində isə 397 bal toplayıb.

Hər iki mərhələnin cəminə görə, III ixtisas qrupu üzrə 690 bal toplamaqla ən yüksək nəticəni göstərən abituriyent isə Sumqayıt şəhəri 12 saylı orta məktəbin məzunu Hüseynzadə Fidan İlham qızıdır. O, imtahanın birinci mərhələsində 293.8, ikinci mərhələsində isə 396.2 bal toplayıb. (Qafqazoinfo)

II ixtisas qrupu üzrə ölkə birincisi olan Banuçiçək Rüstəmli sevincini bizimlə belə bölüşdü:

“Mənim qrupum üzrə əsas fənn riyaziyyat idi. Həm buraxılış, həm də blok imtahanında bu fənndən maksimum nəticə göstərmişəm. Ölkə birincisi olmaq mənə çox xoşdur. Yüksək bal gözləyirdim, ancaq Respublika birincisi olacağıma inanmırdım, buna çox sevindim. Növbəti ikinci cəhd imtahanına hazırlaşmıram. Düşünürəm ki, balımı artırmaq şansım o qədər də çox deyil, həm də özümə əziyyət vermək istəmirəm. Hədəfim ADA Universitetinin maliyyə ixtisası üzrə təhsil almaqdır”.

Fotoda: Fidan Hüseynzadə