Gözəllik

Ağarmış saçlara qarşı soğan maskası - FOTOLAR

29 İyul 2015 12:45

Yaş irəlilədikcə saçlardakı ağ tellər daha çox gözə dəyir. Qocalığın əlamətləri arasında olan ağ tellər bəzi insanlarda hətta psixoloji problemlərə də yol aça bilir.

Bəs saçlar ağarmağa başlayıbsa nə etməliyik? Bununla necə mübarizə aparmalıyıq? Publika.az ağ tellər üçün soğan maskasını təqdim edir:

Ərzaqlar:

3 ədəd orta boy baş soğan

1 stəkan su

Sirkəli su

Hazırlanması:

3 ədəd orta ölçülü quru soğanı blenderdən keçirin.

Bir kasaya töküb soğanların üzərinə 1 stəkan su əlavə edərək qarışdırın və püre halına gətirin. Hazırladığınız bu soğan maskasını saç diblərinə masaj edərək çəkin. Saçlarınıza sürtdükdən sonra 1 saata yaxın gözləyin.

Daha sonra sirkəli su ilə saçlarınızı masaj edərək yuyun. Soğan maskasını 2 həftə olmaqla 6 dəfə tətbiq edin.

Zamanla saçlarınızın təbii rənginə döndüyünü hiss edəcəksiniz. Bu maska baş dərisində iltihab olan şəxslərə də kömək edəcək. Təbii antibiotik olan soğan sayəsində bu dərddən də xilas olacaqsınız.

Fidan