Sellülitləri dərhal gizlətmək üçün KİÇİK HİYLƏLƏR

Sellülitlər xüsusilə yay ayalrında qadınların kabusuna çevrilir. Hər kəs çimərlikdə göz oxşamaq istəsə də, sellülitlər qadınların bu arzusunu puç edir. Onlardan xilas olmaq üçün ən az 3-4 ay vaxt lazım gəldiyini nəzərə alsaq, sellülitsiz bədənə qovuşmaq elə də asan başa gəlmir. Amma kiçik hiylələrlə bu qüsuru aradan qaldırmaq olar.

Publika.az sellülitləri görünməz edən hiyləli üsulları təqdim edir:

Masajın gücü

Masaj sellülitləri aradan qaldıran ən effektli üsullardan biridir. Əgər axşam mini ətək, don və ya şort geyinməyi planlaşdırısınızsa, 1-2 saat öncədən ayaqlarınızı 15-20 dəqiqə masaj edin. Bu zaman hüceyrələri yeniləyən və kollageni artıran yağlardan ya da kremlərdən istifadə edin.

Ayaqlarınızı fırça ilə fırçalaya da bilərsiniz.

Avtoqaralma və göz yanılması

Avtoqaralma effektli kremlər və spreylər sellülitləri gizləmək üçün ən yaxşı vasitədir. Çimərliyə getmədən öncə ayaqlaırnıza avtoqaralma effektli krem çəkin. İstifadə etdiyiniz krem suyadavamlı olmalıdır. Sellülitlər qara dəridə daha az nəzərə çarpacaq.

Ləman Sultan