Suna Dumnakayadan yay üçün 3 gözəllik məsləhəti

Türkiyəli dermatoloq və kosmetoloq Suna Dumankaya qadınları ən çox narahat edən problemlərin həll yollarından danışıb. Yağlı saçlardan, üz dərisinin sallanmasından, saçdakı qırıqlardan şikayətçisinizsə, Suna Dumankayanın məsləhətlərinə əməl edin.

Yağlı saçlardan xilas ol!

Həftədə bir dəfə 1 qəhvə fincanı alma sirkəsini bir çay qaşığı duzla qarışdırıb saç diblərinə çək. Masaj et və 45 dəqiqə gözlə. Daha sonra saçlarını ilıq su ilə yu.

Saçlarının tez yağlanmasını istəmirsənsə, yağlı, ədviyyatlı qidalardan uzaq dur. Saçlarından ətrafa gözəl iy dağılması üçün bir az gül qurusu, bir qəhvə fincanı kətan toxumu və bir stəkan suyu qarışdırıb 8 dəqiqə qaynat. Suyunu süzüb saç diblərinə çək. Bu qarışığı buzluqda 3 gün saxlamaq olar. Prosüduranı hər gün təkrarlaya bilərsən.

Üz dərisinin sallanmasına son!

Yay aylarında üz dərisi tərlədikcə su və mineral itirir. Ona görə də üzümüzün sallandığını hiss edirik. Bunun qarşısını almaq üçün iki şüşə mineral suyu bir ədəd limonun şirəsi ilə qarışdırın. Üzərinə bir çay qaşığı zeytun yağı əlavə edib təkrar qarışdırın və buz qəlibinə boşaldın. Donduqdan sonra gündə 3 dəfə bu buzla üzünüzü masaj edin.

Saçlarınız qırılmasın!

Yay aylarında günəşin təsiri ilə saçlar daha həssas olur və tez qırılır. Qırıqların azalması üçün iki xörək qaşığı zeytun yağı ilə iki xörək qaşığı bala bir limonun şirəsini qatıb qarışdırın. Diblərdən başlayaraq bütün saça çəkin. İsti dəsmalla saçlarınızı sarıyın. Bir saat gözləyib ilıq su ilə saçınızı təmizləyin.

Həftədə iki dəfə tətbiq etmək olar.

Ləman Sultan