Dərinin bərpası üçün ən effektli və ucuz vasitə - FOTOLAR

Naringi yağı təbiətin bizə bəxş etdiyi ən qiymətli hədiyyədir. Onun müxtəlif faydalı xassələri və tətbiqi növləri var. Ondan hətta ev şəraitində maska kimi də istifadə etmək olar. İstifadəsi asan olan naringi yağının effekti də tez hiss olunur.

Naringi yağı dərinin bərpası üçün çox unikal kosmetik vasitədir. Tərkibində olan C vitamini dəridə meydana gələn incə xətlərin və qırışların azaldılmasında çox təsirlidir.

Publika.az naringi yağının faydalarını təqdim edir:

Naringi yağından, adətən, dərinin elastikliyini və möhkəmliyini qaytarmaq məqsədi ilə istifadə edirlər. Dərini dərindən təmizləyən bu yağ məsamələrdə yığılan çirki də çıxarır, ona təravət bəxş edir, onu canlandırır. Sızanaq, qara nöqtələri piqmentləri yox edir.

Naringi yağından dəri təmizliyində tonik olaraq istifadə edə bilərsiniz. Xüsusən də, gecə makiyajını təmizlədikdən sonra üzü bu yağla silmək dəri üçün çox faydalıdır. Yeri gəlmişkən qeyd edək ki, küçəyə çıxmazdan əvvəl dəri səthini bu yağla silmək olmaz. Çünki yağlı dəri üzərinə düşən günəş şüaları yandırıcı təsir göstərir.

Yağlı dəridə yağlılığı azaldır.

Naringi yağı dişləri ağartmaqda olduqca təsirlidir.

Naringi yağı müalicəvi məqsədlərlə ən müxtəlif sahələrdə geniş tətbiq olunur. Xəstəlikdən asılı olaraq, naringi yağı ilə masaj və vannalar qəbul etmək, həmçinin, daxilə istifadə etmək olar.

Ondan soyuqdəymə və qrip kimi xəstəliklərin sağaldılmasında da istifadə edilir.

Əzələləri canlandırıcı xüsusiyyəti var. Bundan başqa naringi yağı bədəndən mikrobları uzaqlaşdırır.

Boğaz ağrısı, mədə yanması, qanı təmizləməkdə, böyrək daşı kimi xəstəliklərdə də müalicəvi təsir göstərir.

Naringi yağının qoxusu isə psixoloji problemləri olanları rahatlaşdırır və yuxusuzluğu aradan qaldırır.

Sellülitin isə bir nömrəli düşmənlərindən biridir.

İstifadə Qaydası:

Ballı şirin suya iki damcı damızdıraraq gündə 3 dəfə qarqara edilir.

Xaricdən masajla dəriyə yeridilir. Naringi yağı ilə masaj etmək yorğunluğu aradan qaldırır, oynaq ağrılarını isə azaldır.

Xəbərdarlıq: Menstruasiya dövründə olan xanımlar istifadə etməməlidir.

Aytən