Ev şəraitində hazırlanan gənclik eliksiri

Dəriyə qulluq vasitələrindən ən təsirlisi, eyni zamanda, ən bahalısı zərdablardır. Zərdablar, əsasən, üzdəki qırışları açmaq, dərinin elastikliyini artımaq və dəri hüceyrələrini yeniləmək üçün nəzərdə tutulur. Ancaq bunları ev şəraitində də hazırlamaq olar.

Publika.az sizin üçün ən effektli zərdablardan birinin reseptini təqdim edir:

Tərkibi:

14 ml itburnu yağı

7 ml jojoba yağı

7 ml nar yağı

1 kapsul və ya yarım çay qaşığı E vitamini yağı

10 damcı lavanda yağı

6 damcı sardiniya çiçəyinin yağı

3 damcı yerkökü toxumu yağı

2 damcı portağal çiçəyi yağı

Hazırlanması:

Yağları növbə ilə tünd rəngli şüşə qabın içərisinə tökün. Şüşənin qapağını bağlayıb yaxşıca bərkidin. Daha sonra 1-2 dəqiqə çalxalayaraq yağların bir-birinə qarışmasını təmin edin. Sərin və qaranlıq yerdə 1 gün saxlayın. Hər dəfə istifadə etməzdən öncə çalxalayın. Həmin zərdabı 6 ay saxlaya bilərsiniz.

Tətbiqi:

Ovcunuzun içərisinə 2-4 damcı zərdab tökərək əllərinizi ovuşdurun. Göz ətrafı istisna olmaqla, üz və boyun bölgəsinə çəkin. Masaj edərək zərdabı dəriyə yedizdirin. 5-10 dəqiqə gözlədikdən sonra hər gün istifadə etdiyiniz nəmləndirici kreminizi çəkin.

Ləman Sultan