Gözəllik
Qarışıq dəri tipi üçün evdə edə biləcəyiniz qulluq qaydaları
Qarışıq dəri tipinə qulluq etmək çox çətindir. Çünki dərinin T bölgəsi, yəni alın, burun və çənədə yağlılıq hiss edildiyi halda, yanaqlarda quruluq, dartılma olur. Ona görə də belə dəri tipinə yağlarla və ya yağlılığı nəzarət altına alan vasitələrlə qulluq etmək olmur.
Publika.az qarışıq dəri tipi üçün evdə hazırlaya biləcəyiniz maskalar sayəsində dəriniz qüsursuz görünəcək.
Papaya və bananlı limon şirəsi
Bananla papaya dərini nəmləndirən ən yaxşı vasitələrdən biridir. Limon şirəsi dərinizin yağlı olan bölgələrini müəyyən qədər qurudacaq, bananla papaya isə onu nəmlə təmin edəcək. Beləliklə, qüsursuz dəriyə qovuşacaqsınız.
Bir qabın içərisinə bir az banan, bir az da papaya əlavə edib əzin. Bu pürenin üzərinə yarım limonun şirəsini əlavə edin. Qarışığı üzünüzə çəkib quruyana qədər gözləyin. Daha sonra üzünüzü ilıq su ilə yuyun.
Portağal qabığı və kəsmiklə maska
Portağal dərini C vitamini ilə təmin edir. Kəsmik isə dərini nəmləndirir və möhkəmləndirir. Qurudulmuş portağal qabığını yaxşıca əzin və içərisinə bir az kəsmik əlavə edib məcun halına gətirin. Qarışığı üzünüzə çəkib 20 dəqiqə gözləyin. Üzünüzü ilıq su ilə təmizləyin.
Xiyarlı bal maskası
Bu maskanın tərkibindəki bal dəriyə elastiklik bəxş edir və onu gəncləşdirir. Xiyar isə dərini nəm ilə təmin edir. Xiyarı rəndələyib suyunu sıxın. Xiyar şirəsinin üzərinə bir az bal əlavə edib qarışdırın. Maskanı təmiz dəriyə çəkin. Quruduqdan sonra üzünüzü soyuq su ilə yuyun.
Qeyd edək ki, hər üç maskanı həftədə iki dəfə çəkmək lazımdır. Bu maskalardan birini seçə və ya hər üç maskanı sınaqdan çıxara bilərsiniz.
Ləman Sultan
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda AİLƏ FACİƏSİ: oğul ata-anasını qətlə yetirdi - YENİLƏNDİ