.jpg)
Ənlik bəzən kiçik toxunuşla makiyajda böyük fərq yarada bilər. Belə ki, bu kosmetik vasitə almacıq sümüklərini vurğulayaraq, üzü daha cazibədar göstərir. Maksimum effekt əldə etmək üçün ənliyin dəri rəngi ilə uzlaşması şərtdir. Bəs, sizin üçün uyğun ənlik hansıdır?
Publika.az-ın bu yazısı dəri rənginizə uyğun gələn ənliyi tapmağa kömək edə bilər.
Ağbəniz dərili xanımlar
Ağbəniz xanımlara açıq çəhrayı, şaftalı tonları, o cümlədən narıncı ənlik çox yaraşır. Bu ənlik ağappaq dərini ideal şəkildə vurğulayıb gözəlliyinizi üzə çıxaracaq. Lakin kifayət qədər diqqət çəkdiyi üçün həddinizi aşmayın ki, təlxəyə oxşamayasınız.
Qarabuğdayı xanımlar
Qarabuğdayı xanımlara da çəhrayı tonlarında ənliklər çox yaraşır. Ağbəniz xanımlardan fərqli olaraq, qarabuğdayılar çəhrayının daha tünd tonlarından istifadə etməlidir.
Əsmər xanımlar
Əsmər xanımlar üçün ən ideal ənliklər tünd qırmızı, o cümlədən qəhvəyi tonlardır. Bu tonlar əsmərlərin gözəlliyini ön plana çıxarıb cəsur qadın obrazı yaradacaq.
Aytən
