Asan üsulla daha uzun kirpiklərə qovuşun
Bizi izləyin

Gözəllik

Asan üsulla daha uzun kirpiklərə qovuşun

Kirpikləriniz tökülür və gün keçdikcə seyrəlirsə, dərhal onlara qulluq etməyə başlayın. Sağlam və uzun kirpiklərə qovuşmaq elə də çətin deyil.

Publika.az təbii üsullarla kirpikləri uzatmağın yollarını təqdim edir:

Sağlam qidalanın!

Biz yediklərimizdən ibarətik. Odur ki, sağlam olmaq üçün keyfiyyətli və şəfalı qidalar yeməliyik. Sağlam qidalanaraq sadəcə, kirpiklərinizin deyil, saç və dırnaqlarınızın da gözəl görünməsinə nail olacaqsınız.

C vitamini, və biotin ehtiva edən qidalardan bol-bol yeyin. A, D, E və K vitaminləri də kirpiklərin uzanmasına kömək edir.

Makiyajlı yatmayın!

Makiyajı təmizləmədən yatdıqda gecə boyunca gözlərinizdə qalan tuş və layner kirpik diblərinin hava almasına mane olar. Bu da kirpiklərin tökülməsinə səbəb olur.

Odur ki, yatmazdan əvvəl mütləq makiyajınızı təmizləyin.

Tuş və kirpikqıvırıcı

Mütəmadi olaraq tuşdan və kirpikburandan istifadə etmək də zərərlidir. Bu kirpiklərin tökülməsini sürətləndirir. Həftənin ən az 2 günü kirpiklərə istirahət verin.

Təbii yağlardan faydalanın!

Kirpikləri qidalandıran yağlardan mütəmadi olaraq istifadə etmək lazımdır. Bunlardan ən təsirlisi gənəgərçək yağıdır. Həmçinin zeytun yağı da kirpiklərə yaxşı təsir edir. Pambıqlı çubuğu bu yağlardan birinə batırıb kirpiklərinizə çəkin. Diqqətli olun ki, yağ gözə düşməsin.

E vitamini

Kirpikləri uzatmağın ən təsirli vasitələrindən biri də E vitaminidir. O, kirpikləri qidalandırır və gücləndirir. E vitamini yağı (ampula şəklində satılır) alın və gecə yatmazdan öncə qulaq çubuğu vasitəsilə kirpiklərinizə çəkin.

Kirpik diblərinə masaj

Gündə bir neçə dəfə kirpik diblərini masaj edin. Masajla yanaşı, xüsusi kirpik darağı ilə daramaq da onlaırn uzanmasını sürətləndirəcək.

Ləman Sultan

Oxumağa davam et
Reklam
Reklam

Gündəm