Mayalı maskalar dəridə möcüzələr yaradır

Bütün xanımları narahat edən dəri problemlərindən xilas olmaq heç də çətin deyil.

Publika.az-ın gözəllik bölməsi xəbər verir ki, dəri problemlərini aradan qaldırmaqda maya effektli və təbii vasitədir. Belə ki, dəri məsamələrini təmizləyir, dəriyə təravət bəxş edir. Mayadan hazırlanan maskaya karbonat əlavə etdikdə isə ləkələri möcüzəli şəkildə yox edir.

Mayanın dəriyə faydaları hələ antik dövrlərdən məlumdur. Qədim Misirdə qadınlar qırışları aradan qaldırmaq üçün onu gözəllik kremi kimi üzə çəkirdilər. Lakin mayanın dəriyə faydaları bununla bitmir. Mikroböldürücü bir maddə olduğu üçün misirlilər ondan yara məlhəmi kimi də istifadə edərdilər.

Mayanın içində olan "SM Glukan" adlı maddə hüceyrələri yeniləyir, yaraların sağalmasını sürətləndirir. Dərinin elastikliyini bərpa edir və möhkəmliyini təmin edir.

Bir paket yaş mayanı bir neçə damcı süd ilə qarışdırın və dərinizə sürün. Maska quruyub qatılaşanda üzünüzü yuyun.

Karbonatı heç sınadınızmı?

Karbonatı dəriyə sürtmək olmaz, ancaq karbonatla qüsursuz dəriyə sahib ola bilərsiniz.

Bir çay qaşığı maya ilə bir çay qaşığı karbonatı 10 damcı su ilə qarışdırın. Bu maskanı çəkib 15 dəqiqədən sonra yuyun. Maya və karbonat maskası məsamələri təmizləyir, karbonat isə ləkələri yox edir.

Aytən