Gözəllik

Milyarderin xanımı başını ancaq rəfiqəsinə etibar edir

23 Oktyabr 2015 18:15

Fransanın ən varlı adamlarından biri - milyarder Fransua-Anri Pinonun həyat yoldaşı və aktrisa Salma Hayekin planetin ən yaxşı stilistləri və saç ustaları ilə işləmək imkanı olsa da, o, saçlarını ancaq rəfiqəsinə etibar edir.

Publika.az xarici mətbuata istinadən xəbər verir ki, Salma Hayek açıqlamasında bildirib ki, saçını kəsdirmək lazım olanda həmkarı və yaxın rəfiqəsi Penelopa Kruzu evinə dəvət edir. Aktrisa rəfiqəsi ilə gülərək maraqlı hadisəni də xatırlayıb. Onun sözlərinə görə, evlərində işıq söndüyündən Penelopa onun saçını qaranlıq otaqda, şam işığında kəsməli olub.

Xatırladaq ki, Penelopa Kruzun anası vaxtı ilə İspaniyada tanınmış saç ustası olub. Aktrisanın bu bacarığı ona elə anasından keçib.

AYTƏN