Dəri sallanmasına qarşı ən effektiv qidalar

Gözəl dəriyə qovuşmağın ilk qaydası sağlam olmaqdır. Sağlam orqanizm üçün isə düzgün qidalanmaq lazımdır.

Publika.az sağlamlığa yaxşı təsir etməklə yanaşı, dərini də gözəlləşdirən 5 qidanı təqdim edir:

İspanaq:

İspanağın tərkibindəki A vitamini dəridə kollagenin miqdarını artırır. Bununla da, dəri sallanmasının qarşısı alınır. Hər bir insanın gündə 700-900 mikroqram A vitamininə ehtiyacı var.

Bu ehtiyacı 1 ədəd manqo və yarım boşqab ispanaqla qarşılamaq olar.

Həmçinin ərik, süd, pendir, yumurta, qaraciyər kimi qidalar da A vitamin ilə zəngindir.

Qızıl balıq:

Dərinin elastikliyini artırır, qırışların yaranmasının qarşısını alır. Həftədə iki dəfə sobada bişmiş qızıl balıq yemək dəri üçün çox faydalıdır.

Fındıq:

Fındıq E vitamini ilə zəngindir. E vitamini ən təsirli antioksidantlardan hesab edilir. Bu vitamin dərini günəşin zərərli şüalarından qoruyur, dərini nəmləndirir, yumşaldır və yaşlanma əlamətlərini aradan qaldırır.

İnsanın gündəlik E vitamini ehtiyacı təxminən, 8-10 mikroqramdır. Bir ovuc fındıq bu ehtiyacı ödəmək üçün kifayətdir.

Balqabaq, yunan qabağı, kələm, kahı, zeytun yağı, balıq yağı, qoz, yumurtanın sarısı, pomidor və kartof da E vitamini ehtiva edir.

Kivi:

C vitamini baxımından ən zəngin meyvələrdən biridir. C vitamini dəri gözəlliyi üçün çox əhəmiyyətlidir. Dərini gəncləşdirir.

100 qram kivi gündəlik C vitamini ehtiyacını ödəməyə kifayət edir.

Portağal, qreypfrut, brokoli, cəfəri, itburnu kimi qidalar da C vitamini ilə zəngindir.

Su:

Dərinin nəm balansını qorumaq çox önəmlidir. Bunun üçün gündə ən azı 10 stəkan su içmək lazımdır.

Ləman Sultan