Fen istifadə edənlər oxusun!

Saçlarınızı düzləşdirmək üçün saç fenindən istifadə edirsinizsə, ondan istifadə qaydalarına əməl etməlisiniz. Əks halda, saçınız yana bilər.

Publika.az saç düzləşdirən fenlərdən istifadə qaydalarını təqdim edir:

Sizə hansı fenin uyğun olduğunu müəyyənləşdirin!

Fenin eni nə qədər olmalıdır?

*19 mm:

Eni 19 millimetr olan fenlər, əsasən, qısa saçlı xanımlar üçün nəzərdə tutulub. Kəkili də bu cür fenlə düzləşdirmək olar.

*22mm:

Bu fen də qısa saçlılar üçündür. Saç teli qalın, cod olanlar bu fendən istifadə etməlidir.

*25 mm:

Saçlarınız çiyinə qədər uzanırsa və saç telləriniz qalındırsa, bu fen sizin üçün mükəmməl seçim olacaq.

*28 mm:

Daha uzun saçlar üçün nəzərdə tutulub. Qıvrım saçlı xanımlar üçün ideal hesab olunur.

*32 mm:

Çox uzun və həddən artıq cod olan saçlar üçün nəzərdə tutulub.

Fenin saçlara toxunan hissələri hansı materialdan hazırlanmalıdır?

Seramika:

Seramika istiliyi saçın hər tərəfinə eyni miqdarda paylayaraq saç hüceyrələrinin ölməsinə mane olur. Keyfiyyətli seramikadan hazırlanan fen sayəsində, saçlarınız sağlam və gözəl görünəcək.

Titanium:

Titanium seramikadan daha tez qızır. Saçın daha tez düzləşdirilməsinə kömək edir. Ancaq belə fendən yalnız peşəkarlar istifadə etməlidir, çünki belə fen düzgün istifadə edilmədikdə saçı yandıra bilər.

Turmalin:

Belə fen saçlara parlaqlıq verir. Saçların elektriklənməsinin qarşısını alır.

Düzləşdirmədən qabaq saçı istinin zərərindən qoruyan xüsusi spreylərdən istifadə edin. Fenin dərəcəsi 185-dən yuxarı qalxmamalıdır.

Saç teli qalın olanlar fenin temperaturunu 185 dərəcədə, nazik olanlar isə 150-160 dərəcədə saxlamalıdır.

Ləman Sultan