Ancelina Colinin cazibədarlıq sirləri - FOTOLAR

Hollivud aktrisası Ancelina Colini təkcə kişilər deyil, qadınlar da sevir. Onun gözəlliyinə, sadəcə, həsəd aparmaq olar. Parlaq saçları, dolğun dodaqları, gözəl dərisi insanı ilk baxışda cəlb edir.

Bütün bu gözəlliklər təbiətin ona bəxş etdiyi hədiyyədir.

Publika.az məşhur aktrisanın gözəllik sirlərini təqdim edir:

Qamətli belinə görə yoqa və pilatesə borcludur

Ancelina müsahibələrində hamiləlik zamanı özünə heç nəyi qadağan etmədiyini söyləyir. Hollivud gözəli uşağın sağlamlığını düşündüyü üçün 9 ay müddətində yaxşı qidalanıb. Hətta şokolad və qazlı içkilərdən də vaz keçməyib.

Amma aktrisa doğuşdan sonra şirniyyat yeməmək üçün özünü zorla saxlayır, yoqa və pilateslə intensiv şəkildə məşğul olur.

Düzgün qidalanma

Ancelina hamiləlikdən sonra əvvəlki çəkisinə qayıtmaq üçün qidalanmasına ciddi nəzarət edir. Daha çox tərəvəz və dəniz məhsullarına üstünlük verir.

Ulduzun son şəkilləri onun anoreksiya xəstəliyindən əziyyət çəkdiyini deməyə əsas verir. Buna səbəb onun xərçəng xəstəliyi riskini minimuma endirmək üçün bir neçə əməliyyat keçirməsidir.

Zəncəfil və sarımsaq ideal dəriyə qovuşmağa kömək edir

Ancelina yeməklərin əksəriyyətinə zəncəfil və sarımsaq əlavə edir. Çünki zəncəfilin həzmə müsbət təsir etdiyi çoxdan sübut olunub, o, həmçinin iltihablı dərinin təmizlənməsinə kömək edir. Əlbəttə, bunu zəncəfilə allergiyası olmayan şəxslər istifadə edə bilər.

Əsas gözəllik ritualı: öz bədəninizi sevin!

Ancelina hesab edir ki, qadın cəlbediciliyinin ən mühüm sirri onun özünü sevməsidir. Aktrisanın fikrincə, qadının özünə hörmət etməsi onun kişilərin gözündə cazibədarlığını qoruyub saxlamağa yardım edəcək.

Aytən