Gözəlləşmək üçün bu yağdan faydalanın!

Hər gün qadınları gözəlləşdirən yeni bir vasitə dəbə minir. Son vaxtlar adını tez-tez eşitdiyimiz yosun yağı da bu qəbildəndir. Su yosunundan əldə edilən bu yağın minerallar və vitaminlərlə zəngin olduğu deyilir.

Publika.az yosun yağının dəriyə təsirlərini və ondan istifadə qaydalarını araşdırıb:

Yosun yağının faydaları:

Dərini çirkdən, yağdan təmizləyir, ona parlaqlıq verir, toksinlərin atılmasını təmin edir. Dərini yumşaldır və qidalandırır.

Yosun yağı tərkibindəki minerallar sayəsində dərini möhkəmləndirir, onu ətraf mühitin mənfi təsirindən qoruyur. Gözaltı qaraltılarına yaxşı təsir edir. Yağın tərkibindəki A və E vitaminləri saç dərisini qidalandırır, saçların tökülməsinin qarşısını alır.

Yosun yağı dəridəki çatların və ləkələrin azalmasına kömək edir. Sellüliti azaldır, omba, ayaqlar, qol, qarın kimi nahiyələrdə yağlanmaya qarşı təsirlidir.

Yosun yağından necə istifadə etməli?

Dərinizin problemli nahiyələrinə yosun yağı çəkib masaj edə bilərsiniz. Gözaltına çəkəcəksinizsə, 3 damcıdan artıq istifadə etməyin. Yağı çəkdikdən 1-2 saat sonra üzünüzü yuyun.

Yosun yağından sellülitlərə qarşı istifadə etmək istəyirsinizsə, onu digər yağlarla qarışdırmalısınız.

10 ml yosun yağı

10 damcı limon yağı

10 damcı portağal yağı

25 ml avokado yağı

40 ml küncüt yağı

40 ml zeytun yağı

Bu yağların hamısını qarışdırıb tünd rəngli şüşəyə doldurun. Sellülitli nahiyələri hər gün bu yağla masaj edib 2 saat gözləyin. Daha sonra soyuq su ilə təmizləyin.

Ləman Sultan