Dərinizə uyğun yeyin...

Heç kimə sirr deyil ki, yediklərimiz birbaşa dəriyə təsir göstərir. Ona görə də, dəri problemləri çox vaxt qeyri-düzgün qidalanmanın nəticəsi olaraq ortaya çıxır.

Publika.az-ın gözəllik bölməsi xəbər verir ki, qidalanma vərdişlərini dəyişdirərək dəri problemlərindən xilas olmaq mümkündür.

Quru dərilər üçün

Əvvəla, bol su için. Xiyar, kərəviz, qarpız, kələm, pomidor və balqabaq kimi tərkibi su ilə zəngin meyvə və tərəvəzlər istehlak edin. Omeqa-3 ehtiva edən balıq, avokado, hindqozu yağı, kətan toxumu və fındıq kimi qidalar da dərini nəmləndirməyə yardım edir. Spirt, kofein və şəkər isə dərini qurudur.

Həssas dərilər

Antioksidantlar və amin turşuları ilə zəngin qidalara üstünlük verin. Çünki həmin qidalar hüceyrələri yeniləyir. Həssas dəri tipinə sahib olanlar mümkün olduqca təbii qidalarla qidalanmalı, qırmızı ət, kofein, alkoqol və ədviyyatlı yeməklərdən uzaq durmalıdırlar.

Yağlı dərilər

B6 vitamini ehtiva edən tam taxıllı qidalar, balıq, qırmızı bibər, balqabaq, ispanaq, qulançar, brüssel kələmi, brokkoli, qara kələm və sarımsaq yağlı dəriyə sahib olanlara yaxşı təsir edəcək. Hazır qidalar, qızartma və yağlı yeməklər, eləcə də şəkər, dərisi yağlı olanlara ziyandır.

Ödəmi olan insanlar

A vitamini ehtiva edən yeməklər yeyin. Qaysı, yerkökü, manqo, çobanyastığı balqabaq, gül kələmi və yaşıl yarpaqlı bitkilər dəridəki şişkinliyi azaldır. Şəkərdən və hər cür şirniyyat məhsullarından uzaq durun. Çünki dəridəki bakteriyalar şəkərdən qidalanırlar.

Ekzema

Ekzemadan əziyyət çəkənlər doymamış yağ turşularından istifadə etməlidir. Dəri quruluğundan xilas olmaq üçün Omega-3 qəbul etməlidirlər. Süd, pendir, qaymaq, dondurma, qatıq və başqa süd məhsullarından çəkinməli, xüsusən də, şərab və başqa spirtli içkilərdən uzaq durmalıdırlar.

Aytən