Göz ətrafındakı qara dairələrlə mübarizə üsulları

Göz ətrafı qara halqalar əsasən, genetik amillərdən qaynaqlanır. Yəni bu, sizin günahınız deyil. Amma göz ətrafı dərinin vəziyyətini yaxşılaşdırmaq öz əlinizdədir.

Publika.az xəbər verir ki, Los-Ancelesdəki Cənubi Kaliforniya Keck Tibb Məktəbində dermatoloq və professor Cessika Vu göz ətrafında qara dairələrə səbəb olan vərdişləri sadalayıb.

Göz ətrafında qara halqaların yaranmağını istəmirsinizsə, bunlara diqqət etməlisiniz.

Günəşdən qoruyucu kremə biganəlik

Olduqca nazik alt və üst göz qapaqları günəşin təsirinə çox tez məruz qalır. Bundan başqa, günəşdən qoruyucu məhsula qarşı da həssasdırlar. C.Vu göz ətrafı dəri üçün axıcı və yapışqan olmayan məhsulları təklif edir.

Makiyaj təmizləyici məhsullar

Əgər göz makiyajını silmək üçün istifadə etdiyiniz losyon dərini qıcıqlandırırsa, üstəlik, göz ətrafı dərini basaraq silirsinizsə, kapilyarLara zərər verirsiniz. Vu göz makiyajını asanlıqla təmizləyəcək məhsullara üstünlük verməyi təklif edir.

İsti su

Vu bildirib ki, bir çox insan üzünü isti su ilə yuyur. Lakin bu, düzgün deyil. İsti su göz ətrafı şişkinliyə və göz ətrafı dərinin daha da qaralmasına yol açır. Bu səbəbdən, dermatoloq isti su əvəzinə, ilıq, hətta mümkünsə, soyuq su istifadə etməyi tövsiyə edir.

Aytən