Özün hazırla! - dərini gözəlləşdirən duş geli

Duş qəbul etmək yalnız təmizlənmək məqsədilə həyata keçirilən akt deyil. Su stresi, yorğunluğu, əsəbi vəziyyəti aradan qaldırır. Bu səbəbdən, çoxumuz axşamlar evə qayıdan kimi ilk növbədə hamama girir. Duş prosesini daha əyləncəli hala gətirmək üçün xoş qoxulu duş gellərindən istifadə etmək olar. Ancaq həm sağlamlığınız, həm də gözəlliyiniz üçün təbii tərkibli duş gellərinə üstünlük verməyiniz məsləhətdir.

Publika.az ev şəraitində hazırlanan möhtəşəm duş gelini təqdim edir:

Tərkibi:

Zeytun yağı

Bal

Təbii tərkibli maye sabun

Nanə və ya tərxun yağı

Hazırlanması:

Yağları şüşə qabda qarışdırın. Daha sonra onların üzərinə digər məhsulları da əlavə edib böyük bir qaşıqla qarışdırın. Duş gelini qaranlıq yerdə saxlayın.

İstifadə qaydası:

İslaq dəriyə çəkib köpükləndirin. Daha sonra ilıq su ilə yuyunun.

Duş gelinin faydası:

Duş gelinin tərkibindəki təbii zeytun yağı dərini qidalandırır və nəmləndirir. Bal isə dərinin nəm balansını qorumaqla yanaşı, antibakterial xüsusiyyəti sayəsində infeksiyalara qarşı müdafiəni təmin edir. Digər yağlar isə sakitləşdirici təsir göstərir.

Ləman Sultan