Gözəllik

Ulduzsayağı manikür dəbi – FOTOLAR

12 Yanvar 2016 05:58

Manikür obrazın əsas bir hissəsidir. Xüsusilə, qırmızı xalıya çıxmağa hazırlaşırsınızsa... Çünki qırmızı xalıya çıxan ulduzlar yaxşı bilir ki, onların obrazları ən xırda detallarına qədər təhlil edilir.

Publika.az bu yazıda ulduzların “Qızıl Qlobus” mükafatlandırma mərasimi üçün üstünlük verdiyi manikür dəbinə aid bir neçə nümunə seçib.

“Qızıl Qlobus” kimi təmtəraqlı kino mükafatlarının təqdimetmə mərasimi üçün təbii dırnaq boyaları və qara rəng xarakterik olub. Lakin mövsümün trendi olan zoğalı rəng də öz sözünü deyib. Dırnaqların uzunluğuna gəldikdə, bir çox məşhur yenə təbiiliyə üstünlük verib. Gecədə qorxulu “caynaqlara” rast gəlinməyib.

Bütövlükdə, aktrisaların çoxu təbiiliyi dəstəklədiyi üçün xanımlara əlverişli nümunə olacaq. Bu da o deməkdir ki, bu il özünüzə əziyyət verib qeyri-adi heç nəyə əl atmayacaq və ya taxma dırnaqdan istifadə etmək məcburiyyətində qalmayacaqsınız.

Fidan