Podiumlarda nəzərə çarpan saç düzümləri – FOTOLAR

Bu il podiumlarda yeni saç kəsimləri diqqət çəkir. Ən məşhur moda evlərinin dəfilələrində modellər qeyri-adi, bir o qədər də maraqlı saç kəsimləri ilə ilin dəbini diktə edirlər. Bu saç kəsimləri yeni hesab edilsə də, əslində, keçmiş illərə damğa vurmuş saç modellərinin müasirləşdirilmiş variantıdır.

Publika.az ilin trendinə çevriləcək yeni saç modellərini təqdim edir:

Mikro kəkil

Məşhur film obrazı Matildanın saç kəsimi yenidən dəbə minir. Ancaq bu dəfə kəkil daha da qısalmış variantda təqdim edilir. Mikro kəkillər uzun saçlarla əla uyğunlaşır.

Dağınıq və qısa

Dəbdən düşmüş hesab edilən qısa və dağınıq saçlar yenidən aktuallaşır. Belə saça hər kəs müraciət edə bilər.

Həcmli saçlar

Həcmli saçlar hər zaman olduğu kimi yenə də aktuallığını qoruyur. Ancaq bu il həcm daha da artır. Vəhşi qadın obrazı yaratmaqdan çəkinməyin.

Kişisayağı Bob

Küt saç kəsimi dəbdən düşənə oxşamır. Bob saç kəsimi modanın son illər aktuallaşan “cinsiyyətsiz” axımına uyğunlaşır.

Uzun və qatlı

2016-cı il qısa saçların ili olacaq. Ancaq uzun saçlardan vaz keçmək istəməyənlər də dəblə ayaqlaşa biləcək. Bunun üçün ən uyğun model isə uzun və qatlı saçlardır.

Cəsarətli pəri

“Pixie” saç kəsimi daha iddialı hala gəlir. Pəri kimi görünməyin əsl zamanıdır!

Ləman Sultan