Pəhriz saxlayıb arıqlaya bilmirsinizsə...

Pəhriz saxlasanız da, arzuladığınız çəkiyə qovuşa bilmirsiniz? Bunun səbəbi pəhriz zamanı yol verdiyiniz səhvlər ola bilər.

Publika.az arıqlamaqla bağlı qulaqdan-qulağa yayılan həmin səhvləri təqdim edir:

Pəhriz saxlayanların çoxu professional diyetoloqa müraciət etmək əvəzinə, tanışlardan eşitdiyi məsləhətlərə qulaq asır. Ancaq tövsiyələrin çoxu həqiqəti əks etdirmədiyi üçün pəhriz də xəyal qırıqlığı ilə nəticələnir. Arıqlamamağınızın səbəbi aşağıdakılar ola bilər:

1.Səhər acqarına sirkə içmək yağları əridir!

Sirkənin maddələr mübadiləsini sürətləndirdiyi düzdür. Ancaq onu acqarına içmək heç bir fayda vermir. Sirkəni salatlara əlavə etsəniz, daha effektli olar.

2. Arıqladan çaylar

Təəssüf ki, arıqlama çayı adı ilə satılan məhsulların çoxunun tərkibi təbii deyil. Həmin tərkib maddələr mübadiləsinə mənfi təsir göstərir, hormonların balansının pozulmasına gətirib çıxarır.

3. Ulduzların pəhrizləri

Ulduzların saxladıqları pəhrizləri sınaqdan keçirməyin. 7 gündə 5 kiloqram arıqlatdığı iddia edilən belə pəhrizlər sizi arıqlatmayacaq, üstəlik sağlamlığınıza zərər verəcək.

4. Ədviyyatlar və limon

Ədviyyatların və limonun insanı arıqlatdığı deyilir. Ancaq bu, elmi şəkildə təsdiq edilməyib. Üstəlik, həddən artıq limon şirəsi içmək və acı ədviyyatlardan istifadə etmək mədə problemlərinə səbəb ola bilər.

Ləman Sultan