Un maskaları ilə gözəlləşin!

Undan gözəllik məqsədilə istifadə edə biləcəyiniz ağlınıza gəlibmi?

Publika.az-ın təqdim etdiyi un maskaları ilə bütün gözəllik problemlərinizdən xilas ola bilərsiniz.

Mütəxəssislər bildirirlər ki, bütün un növləri - yəni, buğda, noxud, qarğıdalı, yaşıl noxud, yulaf, kətan və çovdar unundan hazırlanan maskalar dəri üçün faydalıdır.

Noxud unu

Noxud unu kaliumla zəngin olduğu üçün dərini gəncləşdirir. Antioksidant effekti ilə qırışları açır, dərini qidalandırır. Ehtiva etdiyi vitaminlər, minerallar və turşular sayəsində dəri ləkələrini yox edir, yaraları sağaldır. Noxud ununu süd və ya qatıqla qatıb üz, boyun və sinəyə çəkmək olar.

Qarğıdalı unu

Bu undan hazırlanan maska dərini dərindən nəmləndirir, dəridəki qızartıları azaldır, yaşlanma ələmətlərini aradan qaldırır.

1 armudu stəkan qarğıdalı ununun üzərinə qaynar su tökün və ocağın üzərinə qoyub 5-10 dəqiqə qarışdırın. Maska soyuduqdan sonra üzünüzə çəkin. 15 dəqiqə sonra ilıq su ilə təmizləyin.

Yaşıl noxud unu

Bu unu tapmaq çətin olsa, quru yaşıl noxud alıb evdə əzərək, daha sonra da mikserdən keçirərək un halına gətirə bilərsiniz. Yaşıl noxduddan daha çox dəridəki ləkələri yox etmək üçün istifadə olunur.

Yarım stəkan una bir çay qaşığı soda və eyni miqdarda su əlavə edin. Maskanızı üzünüzə çəkib 25 dəqiqə gözlədikdən sonra təmizləyin.

Kətan toxumu unu

Kətan toxumunu qəhvə dəyirmanında üyüdərək un əldə edin. 1 xörək qaşığı kətan toxumuna 1 çay qaşığı süd əlavə edib qarışdırın. Maskanı üzdə 15 dəqiqə saxlayıb soyuq su ilə təmizləyin. Bu maska dərini nəmləndirir və qidalandırır. Həmçinin yaşlanma əlamətlərini aradan qaldırır.

Ləman Sultan