Cennifer Lopezin effektli pəhriz resepti

Kişilərlə yanaşı, xanımlar da müğənni və aktrisa Cennifer Lopezin bədən quruluşuna heyranlıqla tamaşa edir. Ulduz ideal formada qala bilmək üçün bir neçə üsullara əl atır. O, özü də etiraf edir ki, həmişə formada qalmaq onun işinin bir hissəsidir. Cennifer artıq çəkidən tez xilas olmaq istədikdə o, ən çox bəyəndiyi ekspress-pəhrizini saxlayır.

Publika.az bu yazıda ulduzun pəhriz reseptini təqdim edib.

5 günlük pəhrizin menyusu belədir:

Səhər yeməyi - bir stəkan su, bir stəkan yağsız südlü kakao, portağal, 15 dəqiqədən sonra daha bir meyvə;

Naharda - istənilən meyvə ilə 150 qram yağsız kəsmik;

Nahardan 1 saat sonra - bir ovuc quru meyvə;

Şam yeməyi - 200 qram suda bişirilmiş toyuq əti, (balıq) 300 qram təzə tərəvəz;

Yatmazdan qabaq bir stəkan yağsızlaşdırılmış yoqurt;

İkinci pəhriz çox ağır olsa da, 5 gün ərzində əla effekt verə bilər.

Gündüz menyusuna yalnız 80 qram acı şokolad və 2 litr su daxildir. Təbii ki, bu pəhrizdən yalnız sağlam insanlar yararlana bilər. Əgər səhhətinizdə problem varsa, əbəs yerə risk etməyin.

Aytən