Gözəllik

“Oskar”ın ən valehedici xanımları - FOTOLAR

29 Fevral 2016 14:45

Xəbər verdiyimiz kimi ötən gün Los-Ancelesdə Amerika Kino Akademiyasının təsis etdiyi 88-ci “Oskar” mükafatının qaliblərinin adları açıqlanıb.

Publika.az xəbər verir ki, mükafatlandırmadan sonra məşhur xanımların saç və geyimlərinin müzakirəsi başlayıb.

Bu dəfə ulduz qonaqların çoxu makiyajda və saç düzümündə şit təmtəraqdan maksimum uzaqlaşaraq təbilliyə üstünlük verib. Xüsusilə də, gecənin əsas ulduzları: “Ən yaxşı aktrisa”, eləcə də “İkinci planda ən yaxşı aktrisa” mükafatına layiq görülən Bri Larson və Vikander Alisiyanın obrazları diqqətə layiqdir. Bri Larson da, Alisa Vikander də libasını sadə makiyaj və yarım toppuz saç düzümü ilə tamamlayıb. Alisa Vikander dodaqlarını təbii rəngli pomada ilə boyayıb, Bri Larson isə mövsüm dəbi ilə ayaqlaşaraq çəhrayıya üstünlük verib. Hər iki aktrisanın təmkinli makiyajı təmtəraqlı paltarının fonunda əsrarəngiz görünür.

Ledi Qaqanı təbrik etmək olar. Çünki o, hər zamankından fərqli olaraq, bu dəfə təxribatdan imtina edərək dəb tənqidçilərini yaxşı mənada təəccübləndirib. O, uzun ağ libasını səliqəli makiyaj və retro saç stili ilə tamamlayıb.

Gəlin ulduzların ən yaxşı saç düzümü və makiyjalarına nəzərə salaq.

Aytən