Hind gözəlinin cavanlıq reseptləri

Priyanka Çopra Hindistanın ən cazibədar aktrisalarından biridir. Bu qadın təkcə öz ölkəsində deyil, bütün dünyada gözəllik etalonu sayılır. Çünki o, 2000-ci ildə "Dünya gözəli" müsabiqəsinin qalibi olub. Maraqlıdır ki, 15 illik karyerası ərzində Prinyankanın zahiri görkəmində heç bir dəyişiklik baş verməyib.

Publika.az hind aktrisanın gözəllik sirlərini qədim edir.

Aktrisa qocalma prosesini ləngitmək üçün xüsusi metodlardan istifadə edir. O, belə hesab edir ki, saçların və dərinin xüsusi müdafiəyə ehtiyacı var. Gəncliyini saxlamaq üçün hind gözəli qulluq sisteminə bitki tərkibli vasitələr daxil edir.

Qarabuğdayı, gözəl qalın saçlarını qorumaq üçün isti yağdan istifadə edir. Dərisinin nəm balansını qorumaq üçün o, üzünə yoqurt və limon qarışığı çəkir.

Saçlar üçün maska:

İnqrediyentlər:

1 stəkan su

1 xörək qaşığı zeytun yağı

1 xörək qaşığı jojoba yağı

Hazırlanması:

Yağı saçlara vurmazdan əvvəl başınızı yaxşıca yuyun. Daha sonra inqrediyentləri bir qaba töküb qarışdırın. Qabı qaynar suyun içinə qoyub zəif odda qızdırın və qarışdırmağa davam edin. Lakin yağlı suyun qaynamamasına diqqət edin. Məhlulu bütün saçlara yaxşı çəkib başınızı dəsmalla bağlayın. 20 dəqiqə gözləyib yaxşıca yuyun. Bu proseduru həftədə bir dəfə təkrar etmək lazımdır. Maska saçlara güc və parlaqlıq bəxş edəcək.

Nəmləndirici maska

İnqrediyentlər:

1 xörək qaşığı yoqurt

1 xörək qaşığı limon

Hazırlanması:

Limon suyu ilə yoqurtu qarışdırın. Gözlərin ətrafını çıxmaq şərti ilə maskanı bütün üzə çəkib 15-20 dəqiqə saxlayın. Sonra maskanı çobanyastığı ilə yaxşıca yuyun. Yadda saxlayın ki, bu maskanı evdən çıxmazdan əvvəl eləmək lazım deyil, çünki bu zaman yoqurtun tərkibindəki süd turşusu üzünüzdə cüzi qızartı yarada bilər. Maskanı gecə çəkmək yaxşı olardı.

Aytən