Gözəllik

Burun və yanaqlardakı məsamələrdən bananla xilas olun!

14 Aprel 2016 20:53

T nahiyəsindəki (alın, burun və çənə) məsamələrinin geniş olması qara nöqtə və sızanaqların əsas səbəbidir. Məsamə dərini yaşlı və baxımsız göstərir. Bu xoşagəlməz haldan Publika.az-ın təqdim etdiyi banan maskası ilə xilas ola bilərsiniz.

Məsamələri təmizləyən banan maskası üçün məhsullar:

1 ədəd banan, 1 çay qaşığı limon şirəsi, yarım çay qaşığı bal, 1 çay qaşığı yulaf əzməsi.

Maskanın hazırlanma qaydası:

Bir kasanın içərisində bananı, limon şirəsini və balı qarışdırın. Daha sonra yulaf əzməsini də əlavə edib təkrar qarışdırın.

Maskanı təmiz dəriyə fırçanın köməkliyi ilə çəkin. 10 dəqiqə gözlədikdən sonra ilıq su ilə təmizləyin. Bu maskanı həftədə ən az 1 dəfə çəkmək lazımdır.

Maskanın tərkibindəki banan məsamələri təmizləyəcək və dərinin daha sağlam görünməsini təmin edəcək. Limon və bal isə həm yaşlılıq əlamətlərini azaldacaq, həm də dərini nəmləndirəcək.

Ləman Sultan