Pərvin Abıyeva: “Modellərdən yaxşı gəzirəm”

Azərbaycan moda həftəsi böyük uğurla davam edir.

“Azerbaijan Fashion Week” Nyu-York, London, Paris və Milanda keçirilən moda həftələri standartlarına cavab verən ilk irimiqyaslı dəb layihəsidir.

Publika.az xəbər verir ki, Azərbaycan moda həftəsinin 3-cü günündə azərbaycanlı dizayner Fidan Osmanın yeni kolleksiyası nümayiş olunub. Podiuma "Miss Azərbaycan 2012" Aysel Manafova, "Miss Azərbaycan 2014" Cavidan Qurbanova, fashion bloqer Günel İsmayıllı, aktrisa Pərvin Abiyeva, "Vitse-Miss Ukrayna 2015" Fəridə İbrahimova və başqa gözəllər çıxıb.

Özünü ilk dəfə model kimi sınayan aktrisa Pərvin Abıyeva bizimlə təəssüratlarını bölüşüb. O, modellik peşəsinin çətin olmadığını söyləyib: “Fidan Osman yaxın rəfiqəmdir. Dəfilədə iştirak etməyimi xahiş edəndə dərhal razılaşdım. İlk dəfədir ki, podiuma çıxıram, bir qədər həyəcanlıyam, amma çətin deyil. Podiumda gəzmək çox asandır. Hətta deyərdim bir çox modellərdən daha bacarıqlıyam. Lakin gələcəkdə modelliklə məşğul olmağı düşünmürəm”.

Aytən

Fotolar: 1news.az