Yayın pedikür dəbi - FOTOLAR

Yay yeganə mövsümdür ki, bizə üstü açıq ayaqqabı geyməyə icazə verir. Çox vaxt qızlar əllərin manikürünə xüsusi diqqət yetirir, ayaqlar isə diqqətdən kənarda qalır. Lakin qüsursuz görünmək istəyən hər bir qız yaxşı bilir ki, pedikür yay obrazının mühüm detallarından biridir.

Publika.az modapərəstləri yayın pedikür dəbi ilə tanış edib.

1. Zərlər

Maraqlı və sadə pedikür üsulu axtarırsınız? Dırnaq boyasının üstünə bir qədər gümüşü və ya qızılı zər səpin. Göründüyü kimi belə pedikür sadə, amma çox əla ideyadır!

2. Meyvəli

Bu məzəli pedikür variantı da çox dəbdədir. Yuxarıdakından fərqli olaraq onu özünüz müstəqil şəkildə təkrarlaya bilməyəcəksiniz. Şəkli telefonun yaddaşında saxlayın və onu ilk fürsətdə öz dırnaq ustasına göstərin.

3. Rəngbərəng

Əl dırnaqlarına müxtəlif rəngdə boya çəkmək son illərin trendidir. Bu trendi ayaqlarda da təkrar etmək olar. Özü də belə pedikürü problemsiz və əziyyətsiz özünüz edə bilərsiniz. Rənglər sizin zövqünüzdən asılı olaraq dəyişir, lakin yadda saxlayın ki, rəng çalarları bir-birinə yaxın olmalıdır.

4. Xallı naxış

Xallı pedikür ayaqda çox gözəl görünür. Belə pedikürü etmək üçün xüsusi istedad tələb olunmur.

5. Ombre effekti

Ombre effekti yenə də aktualdır. Ombrenin çoxsaylı variasiyaları var və onların istənilən variantı dəbdədir.

6. Çiçək naxışları

Çiçək naxışları yalnız geyim əşyalarında deyil, pedikürdə də özünü göstərir.

7. Qızılı və ya gümüşü

Metal rəngli manikürün indi trend olduğundan yəqin ki, xəbərdarsınız. Üstəlik metal pedikür ikiqat dəbdədir.

8. Fransız manikürü

Klassik fransız manikürü hər zaman aktualdır. Lakin bu yay onun qeyri-ənənəvi modelləri trenddir. Məsələn, belə.

9. Romantik

Romantik manikürü toya hazırlaşan qızlar çox bəyənəcək. Belə pedikür həm gəlinlər, həm də özünü şahzadə kimi hiss etmək istəyən qızlar üçün ideal seçimdir.

10. Zolaq

Zolaqlı pedikür ayaqlarda çox effektli görünür. Paltarı və ayaqqabını zolaqlardan birinin rənginə uyğun seçdikdə obraz orijinal alınır.

Aytən