Dişləri bu yolla ağardın - FOTOLAR

Çaya və salatlara dad vermək üçün istifadə etdiyimiz limon gözəlləşmək və sağlam qalmaq istəyənlərin də sevdiyi məhsuludur.

Publika.az limonun 7 faydasını təqdim edir.

Əgər əlinizin altında limon varsa, o zaman mütləq limonun aşağıdakı faydalarından bəhrələnin.

Dırnaqları möhkəmləndirir

Dırnaqları tez-tez boyadıqda tərkibindəki aseton və digər maddələr ona zərər verir və dırnaqların qırılmasına səbəb olur. Bunun qarşısını almaq üçün bir xörək qaşığı zeytun yağına bir neçə damcı limon əlavə edin və qarışdırın. Bu qarışığı dırnaqlara sürtün. Gecə yatmazdan əvvəl tətbiq etdikdə və əlcək taxdıqda nəticəsi daha yaxşı olacaq.

Saç diblərini gücləndirən maska

Limon suyunu bal, zeytun yağı və hind qozu yağı ilə qarışdırıb saç diblərində sürtün. 10 dəqiqə saxlayıb yuyun.

Qara nöqtələri aradan qaldıran maska

Limonun tərkibindəki sitrik turşusu dəri problemlərinin müalicəsində çox təsirlidir. Yarım limonu birbaşa qara nöqtələrə sürtün. Gecə yatmazdan əvvəl çəkdikdə daha təsirli olur.

Dişləri ağardır

Bahalı məhsullar əvəzinə limonun faydalarından yararlanın. Limon suyu və karbonatı qarışdıraraq diş məcunu hazırlayın. Bu iki məhsul dişləri ağartmaq üçün çox effektlidir.

Dəriyə parlaqlıq bəxş edir

Dəriniz solğundursa, səhərlər üzünüzü yuyanda suya bir neçə damcı limon əlavə edin.

Yağlı dəriyə və qara nöqtələrə son

Dəridəki artıq yağları təmizləmək üçün pambığa bir neçə damcı limon suyu sıxın və yatmazdan əvvəl tonik kimi üzünüzü onunla təmizləyin.

Saç rəngini açır

Saç rəngini təbii yolla açmaq istəyirsinizsə, limon suyundan istifadə edin. Limon suyunu sprey şüşəsinə əlavə edin və saçlara püskürdün. Günəşin altında yarım saat gəzdikdən sonra saçınızı yuyun. Tellərin yanmaması üçün kokos yağı çəkin.

Aytən