Qoltuq altı qaralmasına qarşı effektiv vasitələr

Qaralmış qoltuq altı yayda çoxumuzu narahat edən problemlərdən biridir. Xüsusilə qısa qollu köynəklər geymək istədikdə qaralmış dəri xoş təsir bağışlamır.

Publika.az-ın gözəllik bölməsi bu problemi bir göz qırpımında həll etməyin effektli və sadə üsullarını təklif edib.

1. Sirkə

Düyü unu və sirkəni qarışdırıb maska hazırlayın. Qoltuq altlarını bu maska ilə yaxşıca silin. Bu vasitə sadəcə dərini ağartmır, eyni zamanda pis qoxuya səbəb olan bakteriyaların da ölməsini təmin edir.

2. Portağal qabığı

Portağal qabığını günəşdə qurutduqdan sonra sürtgəcdən keçirib, üzərinə gül suyu əlavə edib qarışdırın. Bu məlhəmi qoltuq altına çəkib qurumasını gözləyin. Sonra soyuq suyla yaxalayın. Portağal ilə gül suyu ölü hüceyrələrin ölməsinə və dərini ağartmağa yardım edir.

3. Limon

Limon da qaralmış diz və dirsəklər, eləcə də qoltuq altları üçün çox effektli məhsuldur. Onun tərkibindəki turşular dərini dərindən təmizləyir və ağardır. Bunun üçün limonu iki yerə bölüb, bir neçə dəqiqə qoltuq altlarına sürtün. Lakin limonun dərini qurutmaması üçün prosedurdan sonra mütləq nəmləndirici krem çəkin.

4. Səndəl ağacı

Səndəl ağacı tozu və gül suyunu qarışdırın, əldə etdiyiniz məlhəmi qoltuq altına sürtüb 15 dəqiqə saxlayın. Səndəl qoltuq altlarında hopub qalmış kiri təmizləyəcək, gül suyu isə dərini yumşaldıb pis tər qoxusunu azaldacaq.

5. Karbonat

Karbonat dərini ağardan ən effektli vasitədir. Onu su ilə qarışdırıb, qatı məcun halına gətirin. Qolun altını mütəmadi olaraq onunla sildikdə ağardır, həm də kəskin tər qoxusunu azaldır.

Aytən