84 yaşlı Sofi Loren sirrini açıqladı

Dünya kinosunun əfsanəsi Sofi Loren gəncliyinin və gözəlliyinin sirlərini bölüşüb. Publika.az xəbər verir ki, 84 yaşlı Sofi öz təravətini əsasən pozitivliyinə borclu olduğunu bildirib.

Canlı əfsaə hesab edir ki, cazibədarlığın ən başlıca sirri xoş əhval-ruhiyyədir. "Mən hər zaman pozitiv düşünməyə çalışıram. Məni çox nadir hallarda kədərli və bədbin görə bilərsiniz. Başqalarında xoş təəssürat oyatmaq istəyirsinizsə, həyatın hər anından zövq alaraq yaşayın. Çalışın ətrafınızda hər zaman sizi sevən, birgə vaxt keçirməkdən zövq aldığınız insanlar olsun. Hər birimizin həyatında problemlər var. Stress və həyəcandan kənar qaçmağa çalışın. Nə olursa olsun, öz qayğınıza qalın. Dincəlin, kitab oxuyun, günün batmasını seyr edin. Bir sözlə sizi xoşbəxt edəcək ən xırda məqamdan belə, özünüzü məhrum etməyin"

Özünü ləzzətli yeməklərdən məhrum etməyib. O qeyd edir: " Yediyiniz qidalara diqqət yetirin. Kökəlmək istəmirsinizsə, az-az və tez-tez yeyin. Mən adətən günümə ağartı məhsulları ilə zəngin səhər yeməyi ilə başlayıram. Günüm doyumlu naharla davam edir. Şam yeməyimə isə azkalorili tərəvəz salatları, ət və meyvələr daxil edirəm. Buna baxmayaraq dadlı şirniyyatları da çox sevirəm və həftənin bir-iki günü məmnuniyyətlə yeyirəm. İdeal bədən quruluşuma görə həmçinin fəal həyat tərzimə borcluyam"

Leyla Sarabi