Dünyaya səs salan azərbaycanlı vizajist üzü yanmış xanımı TANINMAZ HALA SALDI - VİDEO

Tanınmış vizajist və stilist Anar Ağakişiyev daha bir üzü yanmış xanımı makiyaj edib.

Publika.az xəbər verir ki, vizajist makiyaj etdiyi xanımın əvvəl və sonrakı görüntülərini sosial şəbəkədə paylaşıb və bildirib ki, Nərminin makiyajından sonra ona çoxlu məktublar gəlir:

“Əziz Nərmin, cəsarətinə görə sənə təşəkkürlər! Sən mənə müraciət edib və video paylaşıldıqdan sonra, saysız hesabsız məktublar almağa başladım! İnsanlar artıq öz qüsurlarından utanmırlar! Tanrı bizi fərqli yaradır, lakin hər kəsin sevib sevilmək haqqı var! Çox arzulayıram ki, həyatın acılarını simasında daşıyan insanlar hər zaman sevilsinlər və cəmiyyət tərəfindən olduqları kimi qəbul olunsunlar! Hər zaman sevin və sevilin...”

Anar Ağakişiyevin bəzədiyi xanım makiyajdan sonra aynada özünə baxandan göz yaşlarına hakim ola bilməyib.

Xatırladaq ki, stilist bir neçə ay əvvəl Nərmin adlı üzü yanmış xanımı makiyaj etmişdi. Onun sosial şəbəkədə paylaşdığı bu kadrlar qısa müddətdə dünya mediasında böyük əks-səda doğurmuşdu.