Kətan toxumu - daim gənc qalmağın sirri

Xanımlar iki hissəyə bölünür. Cavan qalmaq üçün əlindən gələni edib, bahalı prosedurlara pul və zaman sərf edənlər və bu iki amilin də yoxluğundan şikayətlənib, dərisindəki qırışlarla barışanlar.

Publika.az-ın təqdim etdiyi ən ucuz və effektiv vasitə hər birinizin ürəyincə olacaq. Cəmi 5 prosedur və nəticə göz qabağındadır.

Kətan toxumunun saymaqla bitməyən faydaları hər kəsə məlumdur. Bəs bu yağın alındığı kətan toxumu haqda eşitmisinizmi? Kətan toxumu kosmetologiya sahəsində ən çox istifadə edilən vasitədir. Ev şəraitində bu toxumdan bahalı botoks prosedurlarını geridə qoyan cavanlaşdırıcı maska hazırlamağın üsulunu Sizə təqdim edirik.

Beləliklə:

Səhər oyananda 1 kasanın içinə 1 ç/q kətan toxumu tökün. Üzərinə 1/3 stəkan qaynar su əlavə edin. 2 dəqiqə ərzində yaxşıca qarışdırın. Sonda üzərini salfetlə örtüb, gecəyədək saxlayın. Gecə yatmazdan öncə üzünüzü yuyub, qurudun. Bir parça pambığı maskanın suyuna batırıb, üzünüzə, boyun və sinə hissənizə çəkin. Maska quruduqdan sonra yenidən eyni şeyi təkrar edin. Beləcə 6 dəfə eyni qaydada üzünüzdə maye bərkidikcə təkrar-təkrar maskanı çəkin. Sonda üzünüzü ilıq su ilə yuyun.

Səhər oyananda yenidən eyni qaydada maska hazırlayıb, gecə istifadə edin. Bu proseduru 10 gün təkrarlayın, və ən az 10 yaş gəncləşin.

Leyla Sarabi