Azərbaycanlı vizajist üzü yanmış qadını TAMAMİLƏ DƏYİŞDİ – VİDEO

Dünya şöhrətli azərbaycanlı stilist Anar Ağakişiyev növbəti dəfə üzü yanmış xanımı makiyajla dəyişdirib.

Publika.az xəbər verir ki, dünyanın lüks kosmetika brendləri ilə əməkdaşlıq edən həmyerlimiz sözügedən görüntüləri instaqramda paylaşıb. Üzü yanmış xanım makiyajdan sonra güzgüdə özünü görəndə göz yaşlarına hakim ola bilməyib.

Anar Ağakişiyev işi ilə bağlı təəssratlarını belə ifadə edib: “Hər bir sosial xeyriyyəçilik fəaliyyətimdə yanımda olduğunuz üçün təşəkkür edirəm! Tam təsadüfən dünən möhtəşəm bəstəkar Toyqar İşıklının "Renklerimi çaldınız" əsərinə qulaq asırdım. Sonra 2 yaşında faciəyə uğramış Solmaz xanım mənə müraciət etdi. Onun üz cizgiləri yadına gəlmir, hətta xatırlaması üçün uşaqlıq şəkilləri belə yoxdur. Şükür ki, artıq hər şey yaxşıdır. Lakin o hər zaman özünə sual edir ki: "Niyə mən? Niyə axı bu baş verməli idi?". Gəlin Yeni il ərəfəsi ona dəstək olaq və bizim dünyamız qədər gözəl olduğunu söyləyək! Hər yaşadığımız günə görə isə Tanrıya şükür edək!”