Gözəllik

Yaşından 30 il cavan görünən ulduz - SİRRİNİ açdı

27 İyun 2022 10:00

Amerikalı məşhur teleaparıcı və yazıçı Marta Styuart özünün 80 yaşında işgüzar fəaliyyəti və sağlam gözəlliyi ilə bütün dünyada tanınıb.

Publika.az xarici rəqəmsal elektron platformalara istinadla xəbər verir ki, bu yaxınlarda 80 illik yubileyini qeyd edən teleulduz və yazıçı indi də fəal, enerjili və sağlam həyat tərzi ilə hamını heyrətləndirir.

Yaşından ən azı otuz il cavan göründüyü deyilən xanım Styuart uzunömürlülüyünün və gözəl qalmasının sirrini geniş ictimaiyyətdən heç gizlətmir:

“Əslində hər şey çox sadədir. Ən vacibi düzgün həyat tərzi keçirmək və idmanla müntəzəm məşğul olmaqdır. Kafe və restoranlarda qidalanmaqdan çoxdan imtina etmişəm. Səhər, günorta, axşam istisnasız olaraq evdə yeyirəm və yalnız təbii ərzaqlara üstünlük verirəm. Onlardan bəzilərini öz dirriyimdə becərirəm, ən faydalıları tərəvəz və göyərtidir”.