TikTok-un yeni makiyaj trendi: Tonal kremi su ilə qarışdırmaq

TikTok bir çox sahədə yeni trendləri diktə etməyə davam edir.

Publika.az xəbər verir ki, sosial platformada bu dəfə tonal kremi suya əlavə edərək üzə çəkmək dəbə minib. Tonal kremi üzə bərabər paylamaq və dəriyə yaxşı hopdurmaq üçün bahalı fırça və süngərlər lazım olur, lakin onlar da həmişə istənilən effekti vermir.

TikTok gözəlləri maraqlı bir üsul təklif edib. Bunun üçün bir fincan və ya bir stəkan suyun içində lazım olduğu qədər tonal krem tökün. Sonra kremi fırça ilə dəriyə yedirin. Qəribə görünsə də, TikTok-un məşhur influserləri bu texnika sayəsində kremin dəridə daha yaxşı və uzun müddət qaldığını iddia edir. Tonal krem su ilə qarışdıqda yağlılığı nisbətən azalır, əvəzində tekstura daha nəmli olur.

Məşhur “Huda Beauty” makiyaj brendinin yaradıcısı Huda Kattan da bu trendin sehrinə düşüb. Tonal kremi su ilə qarışdırıb üzünə çəkən vizajistin sözlərinə görə, bu tətbiq ilə tonal krem ​​dəridə daha uzun müddət qalır və yayılmır.

Bəs siz tonal kreminizi tətbiq etməzdən əvvəl su ilə qarışdırmağı sınaqdan keçirmisiniz?

Foundation in water hack IB: #hudabeauty #foryou #viraltiktok #makeuphacks ♬ original sound - Huda Beauty