Dərini parlaq edən bal maskası

Balın dəriyə təsiri kosmetik prosedurlardan heç də az effektli deyil. Bal alınma mövsümü tam sürətlə davam edir, odur ki, bu faydalı məhsuldan yararlanmağın əsl vaxtıdır. Baldan yay desertləri hazırlamaq, sıyıq və kəsmikə əlavə etmək, hətta üzə qulluqda istifadə etmək olar.

Publika.az xəbər verir ki, dərini balla silmək xüsusilə faydalıdır. Bu şirin qulluq vasitəsi güclü cavanlaşdırıcı təsirə malikdir, təbii kollagenin istehsalını təşviq edir, dərinizi dezinfeksiya edir, nəmləndirir və qidalandırır. Kosmetoloqların sözlərinə görə, evdə bir həftəlik belə gözəllik proseduru üzün tonusunu bərpa edir.

Balla dərini necə təmizləməli?

Üzünüzdən makiyajı silib isti su ilə yuyun;

Yuduqdan sonra üzünüzə yarım çay qaşığı bal çəkin;

Bir dəqiqə balı dəriyə masaj edərək sürtün;

Balı üzünüzdən sərin su ilə yuyun.

İlk prosedurdan sonra balın nəticəsini görəcəksiniz: dəri yumşaq, məxmər və nəzərəçarpacaq dərəcədə elastik olacaq. Lakin bala qarşı allergik reaksiyanızın olub-olmadığını bilmək üçün öncədən test etmək vacibdir. Ballı qulluq üsulunun daha bir ciddi əks göstərişi var: bu cür qayğı kuperozu yalnız gücləndirəcək. Digər hallarda olduqca effektivdir.