49 yaşlı modelin qandonduran zarafatı: - Vampir kimi qanını soruram!

Supermodel Haydi Klum yaşını heç vaxt gizlətməyən, əksinə, bundan qürur duyan dünya ulduzlarındandır. 49 yaşı olmasına baxmayaraq hər zaman heyrətamiz görünür. Və təəccüblü deyil ki, supermodelə ən çox verilən sual buna necə nail olması ilə bağlıdır.

Publika.az xəbər verir ki, modelə bu suallardan yorulduğu üçün artıq ciddi cavablar vermir. O, zarafatla bildirib ki, gənc qalmaq üçün özündən 17 yaş kiçik sevgilisi, musiqiçi Tom Kaulitzin qanını içir: “Mən onun gənc qanını soruram, bunu edirəm! Vampir kimi!”.

Yeri gəlmişkən, Klum açıq-aşkar zarafat etsə də, aktrisa Meqan Foksun sevgilisinin qanını içdiyi həqiqətdir.

Bununla belə məşhur “Victoria's Secret”in “mələyi” bikinidə onun qədər gözəl görünmək istəyənlərə bir neçə real məsləhət verib.

“Mən indi, bu anda yaşamağı sevirəm. Hər saniyədən həzz almaq bacarığı ​​zehninizdə və görünüşünüzdə çox dəyişir. Üstəlik, mən günəşi sevirəm, ona görə də ən yaxşı məsləhətim odur ki, günəş qoruyucusundan istifadə etməyi heç vaxt unutmayın”.