56 yaşlı aktrisanın CAVANLIQ SİRRİ

Bir neçə gün əvvvəl “Pişik qadın” və “Bond” filminin ulduzu Holli Berri 56 yaşını qeyd edib. Aktrisanın 56 yaşı tamam olmasına baxmayaraq, kino karyerasının ilk illəri ilə müqayisədə daha qüsursuz formadadır. Əlbəttə ki, bu, ona asanlıqla başa gəlmıyib.

Publika.az xəbər verir ki, qaradərili gözəl məşqlərə heç vaxt ara vermir. Aktrisa sosial şəbəkələrdə və jurnallarda mütəmadi olaraq ideal bədənini nümayiş etdirir. O, vaxtaşırı bəzi incəliklərini açan məşqçisi Peter Li Tomasa da təşəkkür edir.

Peter bu yaxınlarda Holli ilə həftədə beş dəfə məşq etdiyini açıqlayıb və bildirib ki, aktrisa inanılmaz dərəcədə dözümlülüdür:

“O, omba və ayaqlarını məşq etməyi sevir. Onun edə bilməyəcəyi təkanların olduğunu düşünmürəm. Uzun məsafəli qaçışlardan uzaq dururuq. Holli marafonçu deyil, amma biz maddələr mübadiləsini sürətləndirən məşqlər etməyə çalışırıq”.

Aktrisanın döyüş sənətinə olan sevgisinindən danışan məşqçisi Peter qeyd edib ki, boks, tay boksu və kikboksinqə xüsusilə maraq göstərir. Və əlavə edib ki, Berri ketogenik pəhrizə riayət edir: yəni ulduzun pəhrizi yağlara, orta miqdarda proteinə və aşağı karbohidrat tərkibinə əsaslanır.