Mövsümi saç tökülməsini dayandıran sehrli məhsullar

Payızda ağaclardan düşən yarpaqlarla birlikdə saçların tökülməsi də tez-tez yaşanan problemlərdən biridir. Bunun əsas səbəb kimi vitamin çatışmazlığı göstərilir.

Publika.az bu yazıda oxucuları saç tökülməsinin qarşısını alan təbii vasitələrlər tanış edir.

Saç tökülməsi bəzi qızların payızda ən çox qarşılaşdığı problemdir. Yüksək keyfiyyətli və düzgün qulluq məhsulları seçilməsinə baxmayaraq, saçlarınız hələ də tökülürsə, yalnız rasionunuzu tənzimləmək qalır. Mürəkkəb heç nə yoxdur: adi pəhrizinizə bir neçə sehrli məhsul əlavə edin, bununla da saçlarınız qalınlaşmağa və uzanmağa başlayacaq.

Yumurta

Saç follikullarını gücləndirməyə kömək edəcək qiymətli protein və biotin mənbəyidir. Yumurtalı yeməklərin saysız-hesabsız çeşidi var, amma burada əsas odur ki, həddi aşmayın: sağlam insan üçün optimal porsiya gündə 1-2 yumurtadır.

Yağlı balıq

Yağlı balıqlara qızıl balıq, sardina və siyənək daxildir. Onlarda omeqa-3 yağ turşuları, zülallar və saçların keyfiyyətini yaxşılaşdıra bilən antioksidanlarda yüksəkdir.

Giləmeyvə

Qarağat, albalı, çiyələk, moruq və digər dadlı giləmeyvə C vitamini ilə zəngindir ki, bu da öz növbəsində saç köklərini zədələnmədən qoruyur. Qışda dondurulmuş giləmeyvələrdən istifadə edin, onları çaya əlavə edin və ya dadlı kompotlar bişirin.

Paxlalılar

Noxud, və lobya çox miqdarda bitki mənşəli protein, fol turşusu, lif, sink və dəmir ehtiva edir. Bütün bu faydalı "kokteyl" saç follikullarımız yaxşı qidalandırıcıdır. Yeri gəlmişkən, paxlalılar arıqlamaq istəyənlər üçün də effektivdir.