Saçlar niyə ağarır?

Saçın kökündə olan rəng hüceyrələri - melaninin olmadıqda tük gümüşü çalar alır. Melaninin orqanizmdə istehsalı vitamin və mineral çatışmazlığı səbəbindən dayanır.

Saçlar genetik səbəblərdən, stress, əsəb, fikir, qorxu, həyəcan, uğursuzluq, qeyri-normal qidalanma, alkoqol, siqaret, yuxunun pozulması, qalxanabənzər vəzi və mədə-bağırsaq sisteminin pozulması, günəşin altında çox qalmaqdan ağara bilər.

Ağ saçları qopardımmı?

El arasında deyirlər ki, ağ tükü qopartmaq onun daha da yayılmasına səbəb olur. Bu həqiqətən də belədir. Çünki ağ tükü qopardıqda hüceyrələr ətrafa səpələnərək saç köklərinə təsir edir.

Saçlar arasında rast gəlinən tək-tük ağ tellərin görünməməsi üçün xanımlar, adətən, saçını tamamilə boyamağa üstünlük verirlər. Lakin saçları tamamilə boyamadan ağ telləri ombre və ya balyaj ilə gizlətmək daha yaxşı variantdır. Ombre ilə balyaj saçın təbii rəngi ilə xoş təzad yaradırlar. Amma saçlar çox tünddürsə, saçın üstünə çox açıq kölgələr atdırmayın. Çünki bu, sizi olduğunuzdan daha yaşlı göstərəcək.

Ağ saçları gizlətməyin yollarından biri də kəkil kəsdirməkdir. Kəkil ağ saçları müəyyən qədər gizlədir.

Necə qidalanmalı?

Elastik, təravətli dəriyə və tünd rəngli saçlara sahib olmaq üçün hər ay müntəzəm olaraq bir dəfə yerkökü suyu için. Yerkökü suyu saç ağarmasına qarşı çox effektlidir.

Aytən