Gözəllik

Göz ətrafı dəriyə çobanyastığı çayı

7 May 2015 15:30

Göz ətrafındakı dəri üzlə müqayisədə çox nazikdir. Bu səbəbdən bəzən dəri tipinə bağlı olaraq gözaltı dəri tez qocalır, qaralır, qəhvəyi və ya bənövşəyi rəng alır. Həddən artıq duzlu qidalar yemək, siqaret çəkmək, spirt və ya kofein də gözaltının daha da qaralmasına səbəb olur.

Bəzən həddən artıq yorğunluq səbəbindən gözlərin altında kölgələr əmələ gəlir. Bu halda tünd göz halqalarının görünüşünü yox etmək üçün daha çox istirahət etmək və bol su içmək lazımdır. Göz ətrafı dəri tez-tez qaralırsa və şişirsə, bunu bitkilərin köməyi ilə aradan qaldırmaq olar.

Çobanyastığı çayı torbaları

Bir stəkan isti suya bir çəngə qurudulmuş çobanyastığı tökün. Pambığı çaya batırın və göz ətrafına qoyaraq 10 dəqiqə saxlayın. Çobanyastığı göz ətrafı dəri üçün çox təsirlidir.

Aytən