Gözəllik

Dağınıq yığılmış saç dəbi - FOTOLAR

20 May 2015 18:30

Biz qadınlar xüsusi günlərdə, iş həyatında, ya da toylarda gözəl görünmək üçün çalışırıq. Bu məsələdə saçlar mühüm rol oynayır.

Qeyd edək ki, insanın saç düzümü onun əhval-ruhiyyəsindən xəbər verir. Ümumiyyətlə, insanın saçına baxaraq, onun haqqında çox şey demək olar.

Dağınıq saç: Son illərdə buraxılış və toy kimi xüsusi günlərdə xanımların çoxu dağınıq saç modellərinə üstünlük verirlər. Çünki bu müasir saç düzümü özünə güvənən xanımlara daha cəsur görkəm verir. Dağınıq saç modeli qadının özündən əmin, azadlığına düşkün olduğunu göstərir.

Balerina toppuz modeli ağırlığını hiss etdirməyə, kübarlığını, zadəganlığını göstərməyə çalışan, olduğu mühitin əhəmiyyətini vurğulamaq istəyən qadınlar seçir. Həm də ən rahat saç tipidir.

Qısa saçlar: Qısa saç cəsarətli və özünəinamlı xanımların seçimidir.

Atquyruğu saç modeli: Qadının sevincini göstərir.

Kəkil: Kəkilə üstünlük verən qadınlar şən və ağıllıdırlar. Komplimenti xoşlayırlar. Sadiqdirlər və hisslərində ifrata varırlar. Şirin dilli olsalar da, lazım olanda kobud olurlar.

Fenli Saçlar: Tez-tez saçlarını fenləyən xanımlar həyatda yeniliklərə hazır olmadığını göstərir.

Baxımsız saçlar: Baxımsız, səliqəsiz saçlar həmin xanımın depressiyada oluduğuna işarə edir.

Fidan