Tanınmış modeli cazibədar göstərən 5 saç düzümü - FOTOLAR

İlin ən qızmar vaxtında uzun saçlar qızlara çətinlik yaradır. Amma stilistlər bu yay uzun saçlı qızları sevindirəcəklər. Belə ki, bu yay dağınıq və uzun saçlar dəbdədir. Bu xəbərdə biz tanınmış model Dautzen Krezin timsalında mövsümün ən populyar 5 saç düzümünü toplamışıq.

Dənizin dalğası

Az dalğalı saç düzümü həm sadədir, həm də həmişə də effektli görünür. Bu saç düzümünü toplamaq üçün peşəkar saç ustası olmaq lazım deyil.

Sadəcə, nəm saçlara bir qədər mus, ya da saç kremi çəkin, sonra saç qurudan fenin isti küləyi ilə qurudun.

Atquyruğu

“Çimərlik dalğalarını" atquyruğuna asanlıqla çevirmək olar. Bunun üçün saçı təpə hissədə rezinlə yığmaq kifayətdir.

Azca həcm vermək üçün saçın üstündən, kənarlarından telləri əllə və ya daraqla bir qədər boşalda bilərsiniz.

Arxaya daranmış saçlar

Əgər saçlar yağlıdırsa, üstəlik, axşam qonaqlığa dəvət olunmusunzusa, bu qüsuru gizlətməyin ən yaxşı variantı arxaya daranmış nəmli saçlardır.

Bu saç düzümünı etmək çox bəsitdir. Bunun üçün ovcunuza bir qədər saç geli tökün və saçın ortalarına qədər çəkin, uclarını quru saxlayın. Sonra daraqla saçı arxaya tərəf darayın.

Yarım yığılı saçlar

Bu saç düzümü də sadə və eyni zamanda cazibədardır. Bu saç düzümünü həm düz, həm də dalğalı saçlarla yığmaq olar.

Əvvəlcə saçın hər iki tərəfindən eyni ölçüdə götürün, sonra onları birləşdirib arxada sancaq və ya broşla bərkidin. Yarım yığılı saç düzümü xanımları məsum və saf göstərir. Asanlıqla yığıldığı üçün peşəkar yanına getmək də lazım deyil.

Toppuz

Dağınıq toppuz qonaqlıqlar və dəvətlər üçün ideal saç düzümüdür. Üstəlik, bu saç düzümü çox asan yığılır.

Saçların həcmli olması üçün əvvəlcədən saçları şampunla yaxşıca yuyun. Sonra başınızı önə əyərək fenlə qurudun. Toppuzu istədiyiniz hissədə toplayın. Final akkordu kimi və saçın daha təbii görünməsi üçün kənardan bir neçə tel buraxın.

Aytən