Sallanan qol dərisinə qarşı qovun suyu

Yaş artdıqca dəri öz elastikliyini itirir. Ona görə də orta yaşlı insanlarda, həmçinin, bir neçə dəfə kökəlib arıqlayanlarda qol dərisi sallanır. Qol dərisinin sallanmasına qarşı bahalı kremlər mövcud olsa da, hər kəs bu kremlərdən faydalana bilmir.

Ancaq bu problemdən təbii üsullarla xilas olmaq mümkündür. Mütəxəssislər bəzi qidaların qol dərisinin sallanmasına mane olduğunu bildirirlər. Toyuq əti, mal əti, bəzi balıq növləri, göy noxud, badam və mərci xüsusilə təsirlidir.

Publika.az Türkiyə mətbuatına istinadən xəbər verir ki, qol dəriniz sallanırsa, qızılbalıq yeməlisiniz. Limon, portağal kimi sitrus meyvələr də qolları ideal görüntüyə qovuşdurur.

Ancaq bu problemə ən yaxşı şəkildə təsir edən meyvə yemişdir. Eyni miqdarda olan alma şirəsi ilə qovun şirəsini qarışdırın. Bu qarışımla həftədə iki dəfə qollarınızdakı problemli bölgələri masaj edin.

Alternativ variant olaraq 1 xörək qaşığı bal və zeytun yağı ilə 1 ədəd yumurta sarısını qarışdırıb onunla qolları masaj edə bilərsiniz. Hər iki maskanı 15 dəqiqə saxlamaq və daha sonra dərini soyuq su ilə təmizləmək lazımdır.

Ləman Sultan