Limondan hazırlanan sızanaq maskaları
Bizi izləyin

Gözəllik

Limondan hazırlanan sızanaq maskaları

Limon mikrobları öldürür, dərini möhkəmləndirir və dərinin toksinlərdən təmizlənməsinə kömək edir. Bütün bunlar yeni sızanaqların yaranmasının qarşısını almağa təsir edir.

Limondan hazırlanan, dəri hüceyrələrini yeniləyən və dərini xarici faktorlardan qoruyan 5 möhtəşəm maska reseptini təqdim edir:

1.Maska

Tərkibi:

1 ədəd limonun suyu

1 çay qaşığı uşaq pudrası

1 ədəd mineral su

Hazırlanması və tətbiqi:

Pudranı bir kasaya töküb limon suyunu əlavə edin. Kremə oxşar qatı olmayan qarışıq əldə etməyə çalışın.

Maskanı istəsəniz, təkcə sızanaqların üzərinə və ya bütün üzünüzə çəkin. 10 dəqiqə sonra üzünüzü yuyun. Bu zaman mineral sudan istifadə edin.

Bir neçə gün ard-arda bu maskanı tətbiq etdikdən sonra sızanaqlara vida edəcəksiniz.

2.Maska

Tərkibi:

1 yemək qaşığı limon suyu

2 yemək qaşığı bal

Hazırlanması və tətbiqi:

Limon suyu və balı qarışdırıb bir müddət qaynadın. 3-5 dəqiqə sonra ocağın üzərindən götürüb ilıq hala gəlməsini gözləyin. Daha sonra əldə olunan qarışığı problemli bölgələrə çəkin.

Maskanızı 15 dəqiqə üzünüzdə saxlayın. Daha sonra ilıq suyla yuyun. 1 həftə-10 gün içərisində sızanaqlardan xilas olacaqsınız.

3.Maska

Tərkibi:

1 çay qaşığı limon suyu

1 yumurtanın ağı

Hazırlanması və tətbiqi:

Yumurta ağı ilə limon suyunu qarışdırın. Sızanaqlı bölgəyə çəkib 20 dəqiqə gözləyin. Daha sonra üzünüzü ilıq su ilə yuyun. Bu maskanı həftədə iki dəfə tətbiq etmək lazımdır.

4.Maska

Tərkibi:

1-2 damcı limon suyu

3 ədəd aspirin

1 çay qaşığı yaş maya

Hazırlanması və tətbiqi:

Aspirinləri limon suyunun içərisinə salıb əriməsini gözləyin. Daha sonra yaş mayanı da qarışığın içərisinə əlavə edib qarışdırın.

Sızanaqlarla yanaşı, sızanaq izlərinin olduğu bölgələrə çəkib 15-20 dəqiqə gözləyin. Daha sonra üzünüzü ilıq su ilə yuyun. Bu maska sızanaqları qurudur, sızanaq izlərini yox edir və yeni sızanaqların yaranmasına mane olur.

5. Maska

Tərkibi:

Bir limonun yarısı

1 çay qaşığı karbonat

Bir neçə damcı süd

Hazırlanması və tətbiqi:

Əvvəlcə karbonatla südü qarışdırın. Daha sonra limonun suyunu əlavə edin. Bu zaman maskanın köpüklənməsinin şahidi olacaqsınız. Köpüklənmənin səngiməsini gözləyib sonra maskanı üzünüzə çəkin. Təkcə sızanaqlı bölgəyə də çəkmək olar. 10-15 dəqiqə gözlədikdən sonra ilıq suyla yuyunun.

Publika.az

Oxumağa davam et
Reklam
Reklam

Gündəm